Դավիթ Քոչարովի Մասին

Դավիթ Քոչարովի կենսագրությունը

Կրթություն:

Հայաստանի պետական ճարտարագիտական համալսարան, 2005-2008

Թեկնածուական աստիճան, Համակարգերի ավտոմատացում (Հայաստանի լավագույն ասպիրանտ նախագահական մրցանակ, 2007)

Հայ-ռուսական սլավոնական համալսարան, 2000-2005

Մաթեմատիկայի և համակարգչային գիտությունների մագիստրոսի աստիճան (գերազանցությամբ)

Աշխատանքային պաշտոններ:

Փոխնախագահ	Սիներջի ինթերնեյշնլ սիսթեմզ, 2018-2021
Նախագծերի կառավարման դասախոս, դրոնների հետազոտական ծրագրի փորձագետ	Հայաստանի ամերիկյան համալսարան, 2016-2021

Նախորդ պաշտոնները

Բիզնեսի զարգացման տնօրեն	Սիներջի ինթերնեյշնլ սիսթեմզ, 2011-2018
Մոնիթորինգի և գնահատման տնօրեն	Սիներջի ինթերնեյշնլ սիսթեմզ, 2011-2018
Ծրագրերի ավագ կառավարիչ և համակարգերի վերլուծաբան	Սիներջի ինթերնեյշնլ սիսթեմզ, 2005-2010

15 տարվա մասնագիտական փորձ ՏՏ ոլորտում

Մասնագիտական մարմինների անդամակցություն. Միջազգային աջակցության թափանցիկության նախաձեռնության տեխնիկակական խորհրդատվական խումբ, Ամերիկյան առևտրաարդյունաբերական պալատ, Հայաստանի ամերիկյան համալսարանի դասախոսական խորհուրդ

Դավիթն ունեցել բովանդակալից կարիերա ՏՏ ոլորտում Հայաստանում և արտերկրում՝ աշխատելով Սիներջի միջազգային համակարգեր ընկերությունում, որը ծրագրային ապահովում մշակող և տեխնոլոգիական խորհրդատվություն տրամադրող ընկերություն է, որ մասնագիտացած է տեխնոլոգիական լուծումներ մշակելու մեջ՝ օգնելով կառավարություններին և միջազգային դոնոր կազմակերպություններին իրականացնել աջակցության և զարգացման ծրագրեր արդյունավետ, տվյալների վրա հիմնված և թափանցիկ եղանակով՝ առավելագույնի հասցնելով դրանց սոցիալական ազդեցությունը: Իր մասնագիտական կարիերայի 15 տարիների ընթացքում Դավիթը ղեկավարել է ընկերության մի շարք ոլորտներ, ներառյալ տեխնիկական աջակցությունը, ծրագրերի իրականացումը, մոնիթորինգը և գնահատումը, բիզնեսի զարգացումը, ի վերջո աշխատելով որպես Եվրոպայի գործառնությունների փոխնախագահ:

Դավիթն աշխատել է 75 երկրներում՝ աջակցելով կառավարություններին և միջազգային դոնոր կազմակերպություններին (Եվրոպական միություն, Համաշխարհային բանկ, ՄԱԶԾ, UNICEF, ԱՄՆ ՄԶԳ, Հազարամյակի մարտարհրավերների կորպորացիա, Գերմանիայի միջազգային զարգացման գործակալություն, ՄԹ Միջազգային զարգացման նախարարություն, Աֆրիկյան միության հանձնաժողով, հասարակական կազմակերպություններ և կառավարություններ Եվրոպայում, Միջին Արևելքում, Ասիայում և խաղաղօվկիանոսյան տարածաշրջանում, Աֆրիկայում և Հյուսիսային և Հարավային Ամերիկաներում)՝ իրականացնելով ծրագրեր միջազգային զարգացման և աջակցության արդյունավետության, աղետների կառավարման, հանրային ֆինանսների կառավարման, էլեկտրոնային կառավարության, սոցիալական պաշտպանության, միջազգային զարգացման ծրագրերի մոնիթորինգի և գնահատման, գործընկերությունների կառավարման և մի շարք այլ ոլորտներում:

Դավիթն ամբողջ աշխարհով իր ճամփորդությունների ընթացքում միշտ սիրել է բացահայտել նոր մշակույթներ և միշտ ունեցել է նուրբ ճաշակ և հիանալի ընկալում արվեստի, ճարտարապետության, երաժշտության, լեզուների, խոհանոցների և իր ճամփորդությունների ընթացքում այցելած բազմաթիվ երկրների և հանդիպած մարդկանց ավանդույթների նկատմամբ: Նա ուներ շրջապատող աշխարհի գեղեցկությունը տեսնելու կարողություն և սիրում էր իր ճամփորդությունների մասին պատմությունները ներկայացնել լուսանկարչության միջոցով:

Դավիթը նաև դասավանդում էր Հայաստանի ամերիկյան համալսարանում՝ կիսելով իր գիտելիքները և հսկայական փորձը և ոգեշնչելով ու մոտիվացնելով իր ուսանողներին՝ սկսելու իրենց մասնագիտական կարիերան ՏՏ ոլորտում:

Դավիթի աշխատանքային փորձի մասին ավելի մանրամասն՝ այստեղ.